Në datat 7-9 Shtator 2011 do  të zhvillohet konferenca ndërkombëtare në fushën e TIK në Universitetin Politeknik të Tiranës, Tiranë, Shqipëri. Në këtë konferencë marrin pjesë profesorë, studiues dhe studentë të doktoratës nga shumë vende të botës. Për më shumë informacion shikoni faqen e konferencës http://www.takilab.org/conf/nbis/2011/. Kërkues të rinj, pjesë e stafit të FTI, do të prezantojnë punimet e tyre në këtë konferencë, nga më prestigjiozet në fushën e TIK.

Konferenca e 14-të NBiS-2011 organizohet me mbështetjen e Ministrit të Arsimit, Prof. Dr. Myqerem Tafaj.

Konferenca NBiS-2011 që do të zhvillohet në Tiranë, sjell një komunitet profesorësh dhe shkencëtarësh nga një sërë vendesh në botë. Prof. Makoto Takizawa (Seikei University-Japan) dhe Prof. Leonard Barolli (Fukuoka Institute of Technology-Japon) janë Drejtuesit e Konferencës NBiS (Steering Comitee). Prof. Jorgaq Kacani, Rektor i UPT, është kryetar nderi i konferencës. Drejtues kryesorë të komitetit organizativ të konferencës janë Prof. Fatos Xhafa (Technical University of Catalonia, Spain) dhe Prof. Rozeta Miho (Universiteti Politeknik i Tiranës, Shqipëri).

NBiS 2010, (The 13-th International Conference on Network Based Information Systems) u zhvillua më 14-16 Shtator 2010, në Takayama, Japoni.

NBiS 2009, (The 12-th International Conference on Network Based Information Systems) u zhvillua më 19-21 Gusht 2009, në Indianapolis, ShBA.