Objektivat e lëndës

Lënda synon të përgatisë studentët për njohjen e teknologjive hardware të zbatuara në fushën e telekomunikacioneve duke trajtuar komponentet përbërës të tyre. Amplifikatorët në RF, Amplifikatorët IF, Filtrat, Mixer, Oshilatorë dhe Oshilatorë të kontrolluar numerikisht.

Teknikat e avancuara si Software Defined Radio (SDR) në telekom dhe realizimi apo zëvendësimi i funksioneve hardware me ato software për një ripërdorim sa më efikas të sistemeve të telekomunikacionit. Antenat inteligjente (Smart antennas) dhe teknikat e trasmetuesve inteligjent (cognitive radio).

Përmbajtja

Përshkrimi i sistemit radio dhe bllokskemat e transmetimit; Komponentet përbërës të një paisje radio hardware në telekomunikacion, bllokskema e saj, identifikimi i komponenteve dhe fuksionit te tyre; Amplifikatorët në RF në transmetimin e sinjalit (Power Amplifier: PA) dhe amplifikatoret me zhurmë të vogël (Low Noise Amplifier: LNA); Amplifikatorët e frekuencave të ndërmjetme (IF), funksioni i tyre në qark sidomos për sistemet eterodinë dhe super eterodinë. Filtra me brez fiks në IF dhe me frekeuncë qëndrore të modifikueshme në RF, Mikserat në RF dhe cirkulatoret, karakteristikat e tyre dhe izolimi midis portave RF-in, RF-Out dhe VCO. Oshilatorët lokal analog dhe ata numerik, gjenerimi i sinjalit. Akordimi i komponentëve për përshtatjen e brezit të filtrave me karakteristikat e sinjalit dhe përshtatjen e frekuencës së oshilatorit me frekuencën bartëse të kerkuar.

Software Defined Radio (SDR), bllokskëma e saj dhe krahasimi me arkitekturën hardware standart për sistemet e telekomit; Vantazhet e përdorimit të arkitekturës SDR krahasuar me arkitekturën tradicionale fikse. Sistemi i komunikimit radio hardware i gjeneratës së tretë dhe implemenentimi i tij SDR. Nënsisitemi hardware në radiofrekuencë (RF), karakteristikat e përgjithshme Sistemi në RF. Ndarja e brezave të frekuencave për komunikimet wireless, brezi ISM, përdorimi i tij dhe kufizimet ligjore në fuqinë e transmetuar dhe EIRP e njëvlerëshme. Zhurma dhe kapaciteti i kanalit, zhurmat e jashtme të sistemit dhe ato të vetë krijuara, interpretimi i zhurmës si raport sinjal zhurmë (SNR), SNR minimale për sisteme 3G. Analiza e link budget dhe interpretimi i rezultatit për ndërtimin e nënsistemit analog në RF. Analiza e konvertuesve Analog-numerik (ADC) dhe e konvertuesve numerik-analog (DAC) dhe performanca e tyre e parë nga ana e parametrave SFDR. Bllokskema e arkitekturës së antenave inteligjente dhe ndërtimi i saj me teknikat SDR.