Organizimi i sesionit shtesë të Majit 2014, në Fakultetin e Teknologjisë së Informacionit

Në vijim të shkresës së Rektorit Nr. 478 Prot., datë 21.04.2014 “Mbi hapjen e një sesioni shtesë provimesh në muajin Maj 2014”, si dhe në zbatim të Rregullores Mësimore të UPT, neni 21, njoftohen studentët e FTI për sa më poshtë:

1. Regjistrimi on line:

Regjistrimi për provimet e sesionit shtesë të majit 2014 do të bëhet me regjistrim elektronik (on line), në datat 1 Maj deri 4 Maj 2014 (afati i fundit ora 16:00, e datës 4 Maj 2014).

Për detaje të mëtejshme lidhur me procedurat e regjistrimit, studentët t’u drejtohen departamenteve përkatëse, si dhe Zv.Dekanit të FTI.

2. Dorëzimi i detyrimeve:

Të realizohet dorëzimi i detyrimeve në datat 28 deri 30 Prill 2014, sipas kalendarit të shpallur nga pedagogët e lëndëve.

3. Zhvillimi i provimeve:

Provimet do të zhvillohen sipas datave të shpallura, në sallën dhe orën e caktuar, pa cënuar procesin mësimor.